Туркия Ҳарбий-ҳаво кучларига қарашли олтита F-16 қирувчи самолёти Греция ҳаво ҳудудини бузиб ўтди. Бу ҳақда «РБК» Греция Мудофаа вазирлиги маълумотига таяниб хабар беради.
Мудофаа бошқармасининг маълум қилишича, Туркиянинг F-16 қирувчи самолётлари 1 декабрь, сешанба куни маҳаллий вақт бўйича 15:01 да Лесбос ва Хиос оролларидан учиб ўтиб, мамлакат ҳаво ҳудудига кирган. Кейинроқ қирувчи самолётлар икки ва тўртта самолётдан иборат икки гуруҳга бўлинган. 20 дақиқадан сўнг улар Фурни, Макронисос, Антропофаги ва Агатониси оролларининг устидан учиб ўтган.
Тўртта қирувчи самолётдан иборат гуруҳ 15:28 да, қолган икки F-16 эса 15:30 да Греция ҳаво ҳудудини тарк этган.
Изоҳ (0)