Украина ҳарбийлари томонидан АҚШдан ҳалокатга олиб келмайдиган қурол-яроғ етказиб бериш дастури доирасида олинаётган техниканинг бир қисми моддий ва маънавий жиҳатдан эскирган ҳамда фойдаланиш учун яроқсиз. Бу ҳақда The Washington Post нашрига таяниб, «Корреспондент.net» хабар бермоқда.
Газета бунга бир неча мисоллар келтирган. Жумладан, Донецк атрофида ҳаракат қилаётган Украина махсус қисмлари бўлинмаси ўтган асрнинг 80-йиллар охири, 90-йиллар бошида тайёрланган «Хаммер» йўлтанламас машиналаридан фойдаланмоқда. Улардан айримларининг эшик ва ойналари пластикдан тайёрланган. Бошқа махсус бўлинмага америкалик ҳарбийлар бундан ўн йилча аввал фойдаланмай қўйган зирҳли нимчалар берилган.
The Washington Post АҚШ Украинага 260 миллион долларлик ҳалокатга олиб келмайдиган қурол-яроғ етказиб берганини эслатиб ўтди. Пентагоннинг расмий вакили Жо Соуэрс Америка Украинага тақдим этаёган техниканинг ҳолатини шарҳлашдан бош тортди.
Изоҳ (0)