Россия ветеринар ва фитосанитар назорат федерал хизматининг Калининград вилояти бўйича бошқармаси Туркияга 108 тонна товуқ гўштини қайтарди. Бу ҳақда хизмат сайтида хабар қилинган, дея маълум қилади «Газета.ru».
«Тўртта контейнердаги маҳсулотларни текшириш чоғида яроқлилик муддати ёзуви ўзгартирилгани аниқланди. Улардан бирида муддати шу йилнинг 14 апрелида ўтиб кетган маҳсулот борлиги маълум бўлди. Ветеринар назорат якунлари бўйича барча маҳсулот ишлаб чиқарувчига қайтарилди», — дейилади мазкур хабарда.
Бу Россиянинг ушбу вилоятидан Туркияга қайтарилган илк озиқ-овқат маҳсулоти эмас: ноябрь охирида Калининградга етказилган 54 тонна товуқ гўшти ҳам яроқсиз деб топилиб, Туркияга қайтариб юборилганди.
Изоҳ (0)