АҚШнинг Луизиана штати фуқароси отасини ўлдирганликда ва онасини ўлдиришга қасд қилганликда айбланмоқда. Бу ҳақда New York Daily News хабар бермоқда.
Нохуш воқеа 25 ноябрь, чоршанба куни содир бўлган. 58 ёшли Персиваль Притчетт ўз уйида пичоқлаб ўлдирилган. Унинг хотини, 57 ёшли Рента Притчеттга пичоқ билан бир нечта тан жароҳати етказилган. Айни пайтда у шифохонадан уйига қайтди.
Жиноятни содир этганликда уларнинг ўғли, 32 ёшли Рональд Притчет гумон қилинмоқда. Полиция келтирган маълумотларга кўра, ота-она фақат ўзи учун фастфудга буюртма бериб, ўғлига ҳеч нарса қолмаганлиги низонинг келиб чиқишига сабаб бўлган.
Гумонланувчи 26 ноябрь, пайшанба куни Миссисипидаги қариндошининг уйида қўлга олинган. Унга нисбатан иккинчи даражадаги қотиллик, иккинчи даражадаги ўлдиришга суиқасд қилиш ва автомобилни олиб қочиш айбловлари қўйилган.
Изоҳ (0)