Тунис пойтахтида 24 ноябрь куни юз берган террорчилик ҳаракати қурбонлари сони 25 ноябрь, чоршанба куни 13 кишига етди. Бу ҳақда «ТАСС» хабар беради.
Теракт оқибатида 20 киши яраланган эди, улардан уч нафари оғир аҳволда.
Ҳалок бўлганларнинг 12 нафари президентни қўриқловчи ходим эди, ўн учинчи қурбоннинг шахси аниқланмоқда.
Тунис Соғлиқни сақлаш вазирлигининг маълум қилишича, 20 нафар яраланганнинг 14 нафари тинч аҳоли вакили бўлган.
Эслатиб ўтамиз, 24 ноябрь, сешанба куни президентнинг қўриқчилари кетаётган автобуснинг портлатиб юборилиши муносабати билан Тунисда 30 кун муддатга фавқулодда ҳолат жорий этилди.
Изоҳ (0)