Жаҳон бокс ассоциацияси (WBA) супероғир вазнда жаҳон чемпиони ҳисобланган Руслан Чагаевга Лукас Браун билан жанг ўтказиш мажбуриятини юклади. Бу ҳақда «Оламспорт» хабар бермоқда.
Хабар беришларича, боксчиларнинг вакиллари 30 ноябргача жанг борасида келишиб олиши керак. Агар томонлар бир тўхтамга кела олмаса, вазиятга WBA аралашади.
Руслан Чагаев 17 октябрда Фрес Окендога қарши рингга чиқиши керак эди. Бироқ, жароҳати сабабли Окендо Чагаевага қарши рингга чиқмади ва жанг бекор қилинди.
Чагаев охирги жангини 2015 йилнинг 11 июлида Франческо Пьянетага қарши ўтказиб, рақибини биринчи раундда нокаутга учратганди.
Изоҳ (0)