Францияда 2016 йили ўтадиган Европа чемпионатининг бекор қилиниши террорчилар учун айни муддао бўлади. Бу ҳақда чемпионат ташкилий қўмитаси раҳбари Жак Ламбер маълум қилди, дея хабар беради « РИА Новости».
«Январдаёқ хавф яққол сезилганди (Charlie Hebdo таҳририятидаги терактлардан сўнг), ҳозир эса у янада ошди, — дея таъкидлаган Ламбер. — Биз Европа чемпионати юксак хавфсизлик вазиятида ўтказилиши учун барча имкониятларни ишга соламиз. Стадионларда бу жиҳатдан ҳолат яхши, бироқ кўчалар, одамлар тўпланадиган жойларда хатар кўпроқ. Агар биз Европа чемпионатини бекор қилиш ҳақида ўйлай бошласак, бу биринчи галда террорчиларга қўл келади».
Эслатиб ўтамиз, футбол бўйича Европа чемпионати Францияда 2016 йилнинг 10- июнидан 10 июлигача ўтказилади.
Изоҳ (0)