17 ноябрь куни ўтказиладиган Яман — Ўзбекистон ўртасидаги ўйиндан олдин ташкил этилган матбуот анжуманида Самвел Бабаян ва Сардор Рашидов иштирок этди, деб хабар қилади «Championat.asia».
«Эртага ЖЧ—2018 саралаши доирасидаги навбатдаги ўйин бўлиб ўтади. Бизга Тошкентда етарлича қаршилик кўрсатган жамоа рақиблик қилади. Яман ўтган турда Филиппин меҳмони бўлиб ғалабага эриша олди. Биз бу ўйинга етарлича тайёргарлик кўришимиз керак, сабаби бу босқичда осон ўйинлар бўлмайди», — дейди Бабаян.
«Яман терма жамоасининг Филиппинга қарши ўйинини кўриб ўрганиб чиқдик. Улар жуда яхши ўйнади. Худо хоҳласа, эртага биз ғалаба қозонамиз», — дейди Рашидов.
- Жамоаларнинг имкониятларини қандай баҳолайсиз? Таркибда йўқотишлар борми?- Таркибимиздаги барча соғ-саломат ва ҳеч қандай йўқотишлар йўқ. Имкониятларга келсак, тўғри, бизнинг жамоа рақибдан устунроқ. Лекин Яман таркибида ҳам бир қатор кучли футболчилар бор. Дарвозабонни алоҳида таъкидлаб ўтишим мумкин. Айнан унинг ҳаракатлари туфайли ҳам Яман Филиппинда ғалабага эришди.
- Сардор, сиз жамоанинг етакчи тўпурарларидан бирисиз, охирги ўйинларда кўплаб голлар урдингиз. Лекин Яманга гол ура олмадингиз. Буни қандай изоҳлайсиз.Сардор Рашидов: - Футбол аввало жамоавий ўйин. Гол уришим ёки урмаслигим катта аҳамиятга эга эмас, асосийси ғалабага эришиш. Яман ҳимоячилари у қадар кучли эмас, Тошкентдаги ўйинда жамоам ғалаба қозонди, энг асосийси шу.
Изоҳ (0)