Австралиянинг Янги Жанубий Уэльс штатидаги Мартинсвилл шаҳри яқинида вертолёт ҳалокатга учраши оқибатида уч киши ҳалок бўлди. Унинг бортида фотосуратчи ва собиқ бизнесмен Ричард Грин, унинг турмуш ўртоғи, мусаввир Кэролин Грин ва ҳужжатнавис Жон Дэйвис бўлган. Бу ҳақда «РИА Новости» хабар бермоқда.
7 ноябрь, шанба куни Мона Вэйл шаҳарчасига етиб келмаган вертолётни қидириш 9 ноябрь, душанбада бошланган. Шу куннинг ўзида Уотоган миллий боғидаги тоғли ҳудудда ҳалокат жойи аниқланган.
Маълумотларга кўра, ҳалокатга об-ҳаво шароитлари сабаб бўлиши мумкин. Шунингдек, 2013 йилда Ричард Грин учиш воситасидан хавфли равишда фойдалангани учун вертолётни бошқариш лицензиясидан маҳрум этилгани айтилмоқда.
Изоҳ (0)