Россия ва Миср ҳукуматлари Россияга тегишли A321 самолётининг Синай ярим оролидаги ҳалокати сабабларини текширишда АҚШ Федерал қидирув бюроси ёрдамидан бош тортади. Бу ҳақда АҚШ ҳукуматидаги манбасига таяниб, Reuters хабар бермоқда, деб ёзади Meduza.
Аввалроқ АҚШ Федерал қидирув бюроси Airbus A321 самолётининг ҳалокати сабабларини текширишда Россия ва Мисрга ёрдам кўрсатишга тайёр эканлигини маълум қилган эди.
Эслатиб ўтамиз, Россия расмийлари АҚШ Федерал қидирув бюросидан Мисрда A321 самолёти ҳалокатини текширишда ёрдам сўраган эди.
31 октябрь, шанба куни Мисрда Metrojet («Когалимавиа») авиакомпаниясининг Шарм-аш-Шайхдан Санкт-Петербургга учаётган Airbus A321 лайнери ҳалокатга учради. Самолёт бортида бўлган 224 кишининг барчаси ҳалок бўлди.
Изоҳ (0)