Техасда (АҚШ) судьяга ўз уйида суиқасд уюштирилди. Бу ҳақда CNN хабар бермоқда.
Ҳодиса штат пойтахти Остин яқинидаги Территаун шаҳарчасида рўй берди. Номаълум кимса 6 ноябрь, жума куни Жули Кочурек уйи атрофида ўқ узган. Аёл яраланган ва касалхонага ётқизилган. Полиция маълумотларига кўра, унинг ҳаёти хавф остида эмас.
Расмийлар ўқ узган кимсанинг шахси ва уни бунга ундаган сабабларни аниқлаш чорасини кўрмоқда. 1999 йил январида Кочурек 390-округ суди раиси лавозимини эгаллаган. У таниқли сиёсатчилар, жумладан, Техаснинг собиқ губернатори Рик Перри ва АҚШ Конгресси вакиллар палатасидаги кўпчилик етакчиси Том Делей билан боғлиқ суд ишларини олиб борган.
Изоҳ (0)