Ўзбекистон Мудофаа вазирлиги ҳарбий госпитали олдидаги кўчанинг Тошкент лок-бўёқ заводигача бўлган қисмида коммунал хизматлар томонидан таъмирлаш ишлари олиб борилаётани сабаб, ҳайдовчилар учун фавқулодда хавфли йўлга айланди. «12news.uz»нинг хабар беришича, куни кеча бу ерда яна бир автомобиль фалокатга учради.
Facebook’даги «Водители Ташкента» гуруҳи фойдаланувчисининг маълум қилишича, йўлнинг бу қисмида, собиқ Грузия элчихонаси қаршисида ҳар бирининг ўлчами 6х20 метр, чуқурлиги 8—10 метр бўлган тўртта чуқурлик қазиб қўйилган.
«Ҳайдовчиларни огоҳлантирувчи, тунги вақтларда ёниб турувчи ҳеч қандай белги йўқ! Бу ерда бешинчи машина фалокатга учради! Автомобилдаги йўловчи оғир аҳволда касалхонага олиб кетилди», — деб ёзади фойдаланувчи.
Аввалроқ, «кун ёруғ, ёмғир ёғмайотган вақтда ‘Волга’ русумли автомобиль ҳам мазкур ўралардан бирига тушиб кетгани» ҳақида хабарлар ва фотосуратлар пайдо бўлганди.
Изоҳ (0)