Chevrolet компанияси 1970 йилда чиқарилган классик Camaro купесини General Motors концерни тарихидаги энг кучли серияли мотор билан жиҳозлади, дея хабар бермоқда Motor. Махсус спорткарни Америкадаги SEMA тюнинг-шоуси учун тайёрлашди.
Янги автомобилга Corvette Z06 суперкаридаги Eaton симли компрессорига эга 6,2 литрли саккиз цилиндрли агрегат ўрнатилган. Двигатель қуввати 650 от кучига эга.
Купе хавфсизлик каркаси, иқлим қурилмаси, учинчи авлод Camaro’нинг ўзига хос спорт услубидаги ўриндиқлари ва 19 дюймли алюминий ғилдирак дискларига эга бўлди.
Эслатиб ўтамиз, Chevrolet SEMA тюнинг-шоусида Chevrolet 1967 йилда чиқарилган Nova купесининг махсус версиясини ҳам тақдим этади, у олтинчи авлод Camaro спорткарининг янги икки литрли двигатели билан жиҳозланган.
Изоҳ (0)