O‘zbekiston Mudofaa vazirligi harbiy gospitali oldidagi ko‘chaning Toshkent lok-bo‘yoq zavodigacha bo‘lgan qismida kommunal xizmatlar tomonidan ta’mirlash ishlari olib borilayotani sabab, haydovchilar uchun favqulodda xavfli yo‘lga aylandi. “12news.uz”ning xabar berishicha, kuni kecha bu yerda yana bir avtomobil falokatga uchradi.
Facebook’dagi “Voditeli Tashkenta” guruhi foydalanuvchisining ma’lum qilishicha, yo‘lning bu qismida, sobiq Gruziya elchixonasi qarshisida har birining o‘lchami 6x20 metr, chuqurligi 8—10 metr bo‘lgan to‘rtta chuqurlik qazib qo‘yilgan.
“Haydovchilarni ogohlantiruvchi, tungi vaqtlarda yonib turuvchi hech qanday belgi yo‘q! Bu yerda beshinchi mashina falokatga uchradi! Avtomobildagi yo‘lovchi og‘ir ahvolda kasalxonaga olib ketildi”, — deb yozadi foydalanuvchi.
Avvalroq, “kun yorug‘, yomg‘ir yog‘mayotgan vaqtda ‘Volga’ rusumli avtomobil ham mazkur o‘ralardan biriga tushib ketgani” haqida xabarlar va fotosuratlar paydo bo‘lgandi.
Izoh (0)