АҚШ Мальдив оролларидаги ҳодисалар ривожидан, хусусан, у ерда фавқулодда ҳолат режими жорий этилишидан «чуқур хавотирда». Бу ҳақда давлат департаменти матбуот хизмати раҳбари Жон Кирбига таяниб, «ТАСС» хабар берди.
Унинг сўзларига кўра, фавқулодда ҳолат режими фуқаролик эркинликлари ва инсон ҳуқуқлари, «жумладан тинч йиғилишлар ҳуқуқи» билан боғлиқ вазиятга таъсир қилади. «АҚШ Мальдив ҳукуматини фавқулодда ҳолатни бекор қилиб, зудлик билан ўз фуқаролари учун конституциявий эркинликларни амалга оширишга қайтишга чақиради», — дея таъкидлади Кирби.
Аввалроқ мамлакат ташқи ишлар вазирлиги Twitter’даги саҳифасида Малдив оролларида 30 кунга фавқулодда ҳолат режими жорий этилгани ҳақида эълон қилган эди. Бунга «Малдив оролларида миллий хавфсизликка таҳдид юзага келгани» сабаб қилиб келтирилган.
Изоҳ (0)