Apple компанияси Apple Watch соати қандай миқдорда сотилгани ҳақидаги маълумотларни ошкор этишни истамаяпти, бироқ бу таҳлилчиларга қурилма савдосини анча аниқ баҳолашда халал бермайди, деб ёзади 3DNews.
Бозордаги иккита обрўли кузатувчи қайд этишича, корпорация ўтган чоракда 4,3—4,5 миллионта Apple Watch сота олган.
Strategy Analytics маълумотларига кўра, 2015 йилнинг учинчи чорагида бутун дунё бўйича турли корхоналар жами 6,1 миллионта «ақлли» соат сотган. Шундан 4,5 миллиони Apple (73,8%), 0,6 миллиони Samsung (16,4%) ҳиссасига тўғри келди.
Global Equities Research ҳисоб-китоби бўйича, Apple учинчи чоракда сотган «ақлли» соатлар 4,3 миллионтани ташкил қилади. Тўртинчи чоракда эса ушбу кўрсаткич 15 миллион донагача ошиб кетиши мумкин.
Изоҳ (0)