iPad Pro планшетларини жорий йилнинг 11 ноябридан бошлаб харид қилиш мумкин бўлади, деб ёзади «Terabayt.Uz». Унинг баҳоси Apple’нинг расмий сайтида ҳам эълон қилинди.
Масалан, 32 Гб хотирага эга, SIM-карталар учун махсус жой бўлмаган ва мобил тармоқни қўлловчи стандарт версияси 799 АҚШ доллари, 128 Гб варианти эса 949 АҚШ доллари нархида. Шунингдек, 128 Гб ва LTE’ли модель 1079 АҚШ доллари, Stilus Pencil 99 АҚШ доллари, Smart Keyboard ғилоф-клавитураси 169 АҚШ долларига баҳоланган.
iPad Pro планшети уч хил рангда – кумушранг, тилларанг ва кулранг, яъни iPad Air 2 ва iPad Мini 4 рангларида бўлади. iPad’нинг пушти ранглиси эса ҳозирча чиқарилмайди.
Планшет диагонали 12,9 дюймли Retina дисплейга эга. Кўрсатиш қобилияти 2732×2048 нуқтани ташкил қилади. Қолаверса, 64 битли A9Х процессорларининг учинчи авлоди М9 махсус процессор, 1,2 МП ўлчамли юзни аниқлаш тизимига эга FaceTime камераси, f/2.4 апертура ва фокусни автоматик тўғрилаш қобилиятига эга 8 мегапикселли асосий камера, бармоқ сканери ҳамда доимий видео кўриш ёки Wi-Fi қўлланилган ҳолда 10 соатга етадиган қувват манбаи (батарейка) мавжуд.
Планшет стилуси — Apple Pencil версиянинг имконияти ўзига хос. Босим ва эгилишни сезувчи датчиклар босиш кучи ва ҳолатини аниқлай олади. Фойдаланувчи чизиқ қалинлигини бошқариши, енгил штрихлар ва бошқа тасвирий эффектларни ҳам яратиши мумкин.
Эслатиб ўтамиз, Apple компанияси 9 сентябрь куни узоқ кутилган тақдимотини ўтказиб, ва унда янги iPhone 6s ва iPhone 6s Plus, iPad Pro планшети, Apple ТV приставкаси ҳамда Apple Watch учун янги боғичларни намойиш этган эди.
Изоҳ (0)