Ўзбекистонда 2015 йилнинг тўққиз ойида ўзлаштирилган инвестициялар умумий ҳажми 28,5 триллион сўмни ташкил қилди. ЎзАнинг Ўзбекистон Иқтисодиёт вазирлиги ва Давлат статистика қўмитаси ахборотига асосланиб хабар беришича, бу 2014 йилнинг шу даврига нисбатан 9,9 фоизга кўп.
Ўзлаштирилган инвестициялар умумий ҳажмининг 2,4 миллиард доллари ёки 21,1 фоизини хорижий инвестиция ва кредитлар (ўсиш 11 фоиз), жумладан, 1,8 миллиард долларини тўғридан-тўғри хорижий инвестициялар (ўсиш 7,4 фоиз) ташкил қилди.
Бундан ташқари, иқтисодиётнинг стратегик тармоқларида йирик инвестиция лойиҳаларини амалга ошириш учун Ўзбекистон Тикланиш ва тараққиёт жамғармасининг 514 миллион доллардан ортиқ маблағи ўзлаштирилди.
Изоҳ (0)