Грузия собиқ президенти Михаил Саакашвилининг партияси вакилларининг сўзларига кўра, сўнгги бир ҳафта давомида номаълум шахслар партия идораларига 20 марта ҳужум уюштирди. Бу ҳақда «Газета.ru» хабар бермоқда.
«Бир ҳафта давомида партиянинг қарийб 20 та офисига ҳужумлар уюштирилди, хусусан, Тбилисидаги Саакашвили кутубхонасига бўёқлар чаплаб кетилди», — деди партия аъзоси Серго Ратиани.
Унинг қайд этишича, партия юз берган ҳодисалар учун жавобгарликни мамлакатнинг амалдаги ҳукуматига юклайди ҳамда вандализм ва безорилик ҳолатлари бўйича имкон қадар қисқа муддатда тергов ҳаракатларини бошлашни талаб қилади.
Хабар беришларича, номаълум шахслар «Миллий ҳаракат» партиясининг Имрети, Кахети, Самегрело, Сванетия ва Тбилиси вилоятларида жойлашган идораларига тухум ва бўёқлар билан ҳужум қилган.
Партия аъзоларининг фикрича, мазкур ҳужумларга Саакашвили президентлиги даврида қамоқхоналарда юз берган қийноқ ҳолатлари акс этган видеоёзувларнинг эълон қилингани сабаб бўлиши мумкин.
Изоҳ (0)