Афғонистоннинг Қундуз шаҳридаги «Чегара билмас шифокорлар» касалхонасига уюштирилган ҳужум қурбонлари сони 23 кишига етди. Бу ҳақда «ТАСС» хабар беради.
Шу тариқа ташкилот яна бир нафар ходимининг ҳалок бўлганлигини тасдиқлади.
Эслатиб ўтамиз, 3 октябрь куни Америка самолёти янглишиб Қундуздаги касалхонага нисбатан ҳужум уюштирган эди. АҚШ маълумотларига қараганда, 22 киши, шу жумладан, 12 нафар шифокор ва ҳамшира, шунингдек, уч нафар бола қурбон бўлган. Бир неча ўнлаб кишилар яраланган. Пентагон, НАТО ва Афғонистон ҳукумати ушбу фожиа ҳолатлари юзасидан суриштирув олиб бормоқда.
Изоҳ (0)