Россия Федерацияси пойтахти Москва шаҳрида старт олган теннис бўйича «Кремль Кубоги»да иштирок этаётган ўзбекистонлик Денис Истомин яккалик баҳсларининг дастлабки босқичида британиялик Альяж Беденега қарши кортга чиқди, деб хабар беради Ўзбекистон Миллий олимпия қўмитаси матбуот хизмати.
Учрашувда Денис икки сет якунига кўра 6:3, 6:3 ҳисобида зафар қучди.
Энди Ўзбекистоннинг биринчи рақамли теннисчиси иккинчи даврада ушбу турнирда биринчи рақам остида сараланган хорватиялик Марин Чиличга қарши баҳс юритади.
Маълумот учун, Марин Чилич бугунги кунда дунё рейтингида 14-ўринда бораётган бўлса, Денис Истомин 53-ўринни банд этиб турибди.
Эслатиб ўтамиз, Денис Истомин «Кремль Кубоги»нинг жуфтликлар баҳсининг биринчи босқичида мағлубиятга учраган эди.
Изоҳ (0)