Майкл Хердл Англия чемпионати 4-дивизионининг «Ньюпорт» ва «Портсмут» ўртасидаги ўйинида жароҳат олган тўртинчи ҳакам ўрнига майдонга тушди. Бу ҳақда «Газета.ru» хабар бермоқда.
Биринчи тайм охирида ҳакам жароҳат олиб, ишини давом эттиролмай қолди. Шундан сўнг стадион сухандони ҳакамлик тажрибаси бор киши кераклигини эълон қилди. Бу илтимосга жавобан «Портсмут»нинг 28 ёшли ишқибози майдонга тушиб келди.
«Ўйиндан сўнг ‘Нюпорт’ мураббийи қўлимни қисиб, ишончни оқлаганим ва иккинчи таймни яхши ўтказганимни айтди. Якунда ўйин учун 3 дақиқа қўшиб бердим. Нега шунча вақт қўшганимни сўраган бош ҳакамга ҳар бир ўйинчи алмашуви учун 30 сония талаб этилиши, бундай алмашувлар эса олтита бўлганини айтдим», — дея ҳикоя қилади Хердл.
Дарвоқе, «Нюпорт» майдонида кечган ўйин «Портсмут» фойдасига (0:1) ҳал бўлди.
Изоҳ (0)