Англиянинг «Манчестер Сити» футбол клуби ярим ҳимоячиси Яя Туре «Барселона» ҳужумчиси Мессини дунёнинг энг яхши футболчиси деб атади. Бу ҳақда «Uff.uz» хабар бермоқда.
«Дунёнинг энг яхши футболчиси? Месси», — деди ивуарлик футболчи.
«Охирги икки йилда Европа Чемпионлар лигасида «Барселона»га қарши ўйнадик. Ўтган йили бўлган ўйинда Месси мен билан ҳазиллашиб, тўпни оёқларим орасидан олиб ўтишини айтган эди. Ўйин вақтида у шундай услубда икки жамоадошимни алдаб ўтганини ва мен томон келаётганини кўрдим. Ўша вақтда мени ҳам шундай услубда алдаса керак, деб ўйлагандим», — дейди Яя Туре.
«Месси яқин келганда: «Фақат бундай қилма, илтимос», — дедим. Ўша вақтда Месси мени оилам олдида ноқулай аҳволга қўйишидан чўчиган эдим», — дея қўшимча қилди «Манчестер Сити» ярим ҳимоячиси.
Изоҳ (0)