Россия президенти маъмурияти раҳбари Сергей Иванов аввалроқ махсус хизматларда ишлаб, одамларни яхши билиб олиш ва тез реакция кўрсатишга ўрганганини тан олди, деб ёзади «ТАСС».
Агентликка берган интервьюсида у хизмат пайтида Владимир Путин билан хонадош бўлгани, жосусликка ишқибозлик ва бошқа тафсилотлар ҳақида гапириб берди.
«Мен сиёсий разведка билан шуғулланардим ва асосан ‘дала’да ишлардим. Бунда шеригингизга кўр-кўрона ишонишга тўғри келади, чунки қайта текшириб кўриш имкони бўлмасди. Ўзингизникилардан шубҳа қила олмайсиз, бу янада хавфлироқ. Жосусликка муккасидан кетиш ва хиёнатдан қўрқиш иродани синдиради ва ишга халал беради. Одамларни яхши билиб олиб, кимга суянаётганингизни билиш эса бошқа гап», — деди Иванов.
Шунингдек, разведкада ишлаган вақтларини ёдга олар экан, Иванов Давлат хавфсизлик қўмитаси (КГБ)нинг Ленинград бошқармасида Путин билан битта хонада ишлаганини айтиб ўтди.
Изоҳ (0)