Бугун, 18 октябрь куни Япония бош вазири Синдзо Абэ АҚШ Ҳарбий денгиз кучлари таркибига кирувчи «Рональд Рейган» атом авиаташувчи кемаси бортига чиқди. У Американинг авиаташувчи кемаси бортига чиққан илк Япония ҳукумати раҳбари бўлди. Бу ҳақда «ТАСС» хабар беради.
Ҳарбий кема ой бошида Токионинг жануб томонида жойлашган Йокосука ҲДК базасига доимий қолиш учун етиб келган.
Маҳаллий кузатувчиларнинг фикрича, бош вазирнинг АҚШ ҲДК авиаташувчисига уюштирган илк ташрифи Япония—АҚШ ҳарбий иттифоқининг кучайганини намойиш қилиши керак, лекин Япония сувларида ядровий самолёт ташувчисининг жойлаштирувига салбий қараб келувчи мухолифат партияларининг танқидига олиб келиши ҳам мумкин.
Хабар қилинишича, Абэга бош вазир ўринбосари Таро Асо ва мудофаа вазири Гэн Накатани ҳамроҳ бўлган.
АҚШнинг энг янги атом авиаташувчиларидан бири бўлган «Рональд Рейган» Йокосука авиабазасига 1 октябрь куни етиб келди. Кема у ерда Сан-Диегодаги асосий базасига қайтиб кетган «Жорж Вашингтон» атом авиаташувчисининг ўрнини эгаллади.
Изоҳ (0)