Хитой етакчиси Си Цзиньпиннинг маълум қилишича, Хитой «жаҳон жандарми» бўлишга интилаётгани йўқ. Бу ҳақда, «РБК» хабарига кўра, Хитой раҳбари Буюк Британияга сафари арафасида берган интервьюсида айтиб ўтди.
«Хитой ‘жаҳон жандарми’ бўлиш ниятида тинчлик ва тараққиёт бўйича ҳаракатларини кучайтираётгани йўқ, бундан ташқари, Хитой кимнингдир ўрнини эгаллаш ниятида ҳам эмас. Биз мамлакат муаммолари унинг ўз халқи томонидан ҳал қилиниши керак, деб ҳисоблаймиз, халқаро масалаларга эса барча мамлакатларнинг халқлари ўртасидаги маслаҳатлашувлар орқали ечим топилиши зарур», — деди Сзинпин.
Хитой етакчисининг қайд этишича, Хитой бошқа мамлакатларнинг ички ишларига аралашмаслик тамойилига содиқ қолади ҳамда халқаро ва минтақавий низолар тинч йўл билан ҳал этилиши керак, деб ҳисоблайди. «Хитой мудофаа мазмунидаги сиёсатни олиб бораётганини, ҳеч қачон гегемонликка ҳаракат қилмаслиги, экспансияларда иштирок этмаслигини бир неча бор маълум қилган», — деди Хитой давлат раҳбари.
Изоҳ (0)