Қутқарувчилар Қора денгизда «Иволга» катери чўкиб кетган ҳудудда яна икки нафар қурбоннинг жасадини сувдан олиб чиқди. «РБК» хабарига кўра, шундай қилиб, кема ҳалокати қурбонлари сони 14 кишига етди.
Украина Давлат фавқулодда вазиятлар хизматининг Одесса вилояти бўйича бошқармаси матбуот котиби Ольга Левчукнинг маълум қилишича, ҳодиса жойига икки катер ва тўққиз кишидан иборат қутқарувчи ғаввослар гуруҳи юборилган. Орадан бир соат ўтиб, «Черноморские зори» санаторийси соҳилларида бир жасад, кейинроқ, қирғоқдан 300 метр узоқликда иккинчи жасад топилган.
Аввалроқ Украина Ички ишлар вазирлиги катер аварияси оқибатида 16 киши ҳалок бўлгани ҳақида хабар берган, кейинчалик эса қурбонлар сонини 12 кишигача камайтирганди. Украина Инфратузилма вазирлиги ахборотига кўра, 12 йўловчи ва экипажнинг уч аъзосига мўлжалланган кема ҳалокатига керагидан ортиқ одам чиққани сабаб бўлган — ҳалокатли рейс вақтида катерда 33 нафар йўловчи бўлган.
Изоҳ (0)