Футбол бўйича Тринидад ва Тобаго терма жамоаси собиқ ярим ҳимоячиси Давид Нахид ФИФА президентлиги учун сайловда иштирок этиш учун зарур ҳужжатларни топширди. Бу ҳақда «Сегодня.ua» хабар бермоқда.
Нахиднинг сайловолди штаби вакилининг маълум қилишича, тегишли ҳужжатлар ФИФАга юбориб бўлинган.
Аввалроқ ФИФА президенти ўрни учун курашиш истагини Осиё футбол конфедерацияси раҳбари шайх Салмон бин Иброҳим ал-Халифа, Иордания шаҳзодаси Али бин ал-Ҳусайн, УЕФА раҳбари Мишель Платини (90 кунга футболдан четлатилган), Жанубий Корея футбол уюшмасининг собиқ президенти Чон Монжун (олти йилга футболдан четлатилган), Тошкентнинг «Бунёдкор» футбол клуби собиқ бош мураббийи Зико ва Нигерия терма жамоаси собиқ футболчиси Сегун Одегбами билдирган эди.
Халқаро футбол ташкилотининг янги раҳбари сайлови 2016 йил 26 февраль куни бўлиши кутилаётгани эди, бироқ октябрь ойида сайлов кечроқ муддатга қолдирилиши мумкинлиги ҳақида ахборот пайдо бўлди. Номзодлар ўз аризаларини 26 октябрга қадар ФИФАга топшириши керак.
Изоҳ (0)