Ўзбекистоннинг биринчи рақамли ракеткаси Денис Истомин соврин жамғармаси 125 минг доллардан иборат Тошкентдаги «Челленжер» турнирида ғалаба қозонди, деб хабар беради UzDaily.
Турнир финалида Истомин икки сет якунларига кўра мусобақанинг амалдаги чемпиони словакиялик Лукаш Лацко устидан 6:3, 6:4 ҳисобида устун келди.
Учрашув 1 соату 6 дақиқа давом этди. Истомин ўнта эйс ва иккита брейк-пойнтни амалга оширди, бундан ташқари битта қўшхатога йўл қўйди. Тўққизта эйсни амалга оширган Лацко эса битта қўшхатога йўл қўйди.
Қайд этиш жоизки, Денис Истомин иккинчи марта ушбу турнирда ғалаба қозонмоқда. 2011 йилда ҳам у ATP Tashkent Challenger’да ғолиблик шоҳсупасига чиққан эди.
Изоҳ (0)