O‘zbekistonning birinchi raqamli raketkasi Denis Istomin sovrin jamg‘armasi 125 ming dollardan iborat Toshkentdagi “Chellenjer” turnirida g‘alaba qozondi, deb xabar beradi UzDaily.
Turnir finalida Istomin ikki set yakunlariga ko‘ra musobaqaning amaldagi chempioni slovakiyalik Lukash Latsko ustidan 6:3, 6:4 hisobida ustun keldi.
Uchrashuv 1 soatu 6 daqiqa davom etdi. Istomin o‘nta eys va ikkita breyk-poyntni amalga oshirdi, bundan tashqari bitta qo‘shxatoga yo‘l qo‘ydi. To‘qqizta eysni amalga oshirgan Latsko esa bitta qo‘shxatoga yo‘l qo‘ydi.
Qayd etish joizki, Denis Istomin ikkinchi marta ushbu turnirda g‘alaba qozonmoqda. 2011-yilda ham u ATP Tashkent Challenger’da g‘oliblik shohsupasiga chiqqan edi.
Izoh (0)