Ўзбекистоннинг биринчи рақамли теннисчиси Денис Истомин ютуқ жамғармаси 125 минг долларга тенг Tashkent Challenger мусобақаси финалига чиқди. Бу ҳақда «12news.uz» хабар бермоқда.
Халқаро мусобақа ярим финалида ўзбекистонлик теннисчи Ҳиндистон вакили Юки Бамбрини уч сетда 4:6, 6:3, 6:3 ҳисобида мағлуб этди.
Денис Истомин Tashkent Challenger финалида Рикардас Беранкис (Литва) ва Лукаш Лацко (Словакия) жуфтлиги ғолибига қарши кортга чиқади.
Эслатиб ўтамиз, мусобақа ғолиби 18 минг доллар ва 125 очко, финалчи эса 10,6 минг доллар ва 75 очкога эга бўлади.
Изоҳ (0)