2016 йили Францияда навбатдаги Европа чемпионати бўлиб ўтади. Кеча, 13 октябрь куни Европа чемпионатининг саралашининг гуруҳ босқичи якунланди. Ҳозирга қадар мусобақада иштирок этадиган 20 та терма жамоа номи аниқ бўлиб улгурди, деб хабар беради «Оламспорт».
Булар: Франция, Албания, Австрия, Бельгия, Чехия, Англия, Германия, Исландия, Италия, Шимолий Ирландия, Польша, Португалия, Руминия, Россия, Испания, Словакия, Швейцария, Уэльс, Хорватия ва Туркия терма жамоалари. Шунингдек, яна тўртта жамоа номи плей-офф ўйинлари орқали аниқланади.
Саралаш босқичида ўз гуруҳларида учинчи ўринни қўлга киритган терма жамоалар плей-офф ўйинида ўзаро куч синашади. Украина, Дания, Швеция, Ирландия, Словения, Босния ва Герцеговина, Норвегия ва Венгрия жамоалари қолган тўртта ўрин учун баҳсларга киришади.
Изоҳ (0)