2016-yili Fransiyada navbatdagi Yevropa chempionati bo‘lib o‘tadi. Kecha, 13-oktabr kuni Yevropa chempionatining saralashining guruh bosqichi yakunlandi. Hozirga qadar musobaqada ishtirok etadigan 20 ta terma jamoa nomi aniq bo‘lib ulgurdi, deb xabar beradi “Olamsport”.
Bular: Fransiya, Albaniya, Avstriya, Belgiya, Chexiya, Angliya, Germaniya, Islandiya, Italiya, Shimoliy Irlandiya, Polsha, Portugaliya, Ruminiya, Rossiya, Ispaniya, Slovakiya, Shveysariya, Uels, Xorvatiya va Turkiya terma jamoalari. Shuningdek, yana to‘rtta jamoa nomi pley-off o‘yinlari orqali aniqlanadi.
Saralash bosqichida o‘z guruhlarida uchinchi o‘rinni qo‘lga kiritgan terma jamoalar pley-off o‘yinida o‘zaro kuch sinashadi. Ukraina, Daniya, Shvetsiya, Irlandiya, Sloveniya, Bosniya va Gersegovina, Norvegiya va Vengriya jamoalari qolgan to‘rtta o‘rin uchun bahslarga kirishadi.
Izoh (0)