Миср суди мамлакат собиқ президенти Ҳусни Муборакнинг ўғиллари — Алъа ва Гамал озодликдан маҳрум этиш даврини дастлабки ҳибс вақтида ўтаб бўлган деб ҳисоблаш ҳақида қарор чиқарди. Бу ҳақда «РИА Новости» хабар бермоқда.
Жиноят ишлари бўйича Қоҳира суди 2015 йилнинг 9 май куни Ҳусни Муборакнинг ўғилларини «Саройлар иши» деб аталган жиноят иши бўйича айбдор деб топиб, уларни уч йилга озодликдан маҳрум этганди. Айбланувчилар президент қароргоҳларини таъмирлаш учун ажратилган давлат маблағларини ўзлаштириш бўйича фирибгарликларни амалга оширган.
Собиқ президент ўғилларининг адвокатлари суд қарори устидан шикоят қилган, хусусан, адвокат Фарид ад-Диб Алъа ва Гамал жазо муддатини ҳибсда ўтказиб бўлгани, улар белгиланган жазо муддатидан кўпроқ — уч йил, олти ой ва 18 кун давомида ҳибсда бўлганини қайд этиб ўтганди. Бундан ташқари, судланувчилар давлатга етказилган барча зарарни қоплаб берган.
Изоҳ (0)