Беларуснинг амалдаги президенти Александр Лукашенко давлат раҳбарлигига сайловларда 83,49 фоиз овоз билан ғолиб бўлди, дея хабар бермоқда «Корреспондент.net» Марказий сайлов комиссиясига таяниб.
Либерал-демократик партия етакчиси Сергей Гайдукевичга сайловчиларнинг 3,32 фоизи, «Ҳақиқатни гапир» фуқаролик кампанияси вакили Татьяна Короткевичга 4,42 фоизи, Беларусь ватанпарварлик партияси раиси Николай Улаховичга 1,67 фоизи овоз берди.
6,40 фоиз сайловчилар барчага қарши овоз берди.
Овоз беришда сайловчиларнинг 87,2 фоизи қатнашди.
Сайловлар натижаларига кўра, 61 ёшли Лукашенко Беларусь президенти лавозимини бешинчи марта эгаллайди. У давлат раҳбарлигига биринчи марта 1994 йилда сайланган.
Изоҳ (0)