Туркия ҳукумати Анқарадаги террорчилик ҳаракати туфайли ҳалок бўлганларнинг 120 нафарининг шахсини аниқлади, яна саккиз нафар қурбоннинг шахси номаълум. Бу ҳақда «Gazeta.kz» хабар беради.
«Аксилинқироз маркази теракт натижасида қурбон бўлган 120 кишининг шахсини аниқлади, саккиз нафарининг шахси ҳозирча номаълум», — дейилади Халқлар демократияси партияси хабарида.
Туркиянинг минглаб аҳолиси 11 октябрь, якшанба куни теракт қурбонлари хотираси учун Анқарада ўтказилган намойишда иштирок этди.
Эслатиб ўтамиз, мамлакатда содир этилган терактдан сўнг Туркия бош вазири Аҳмет Давутўғли уч кунлик мотам эълон қилди. Бош вазирнинг фикрига кўра, теракт ИШИД жангарилари томонидан уюштирилган бўлиши мумкин.
Изоҳ (0)