GM Uzbekistan компанияси 8 октябрь куни Москвада Uz-Daewoo ўрнига келган янги Ravon бренди тақдимотини ўтказди, дея хабар бермоқда «Газета.uz». Энди ўзбекистонлик автомобиль ишлаб чиқарувчининг маҳсулотлари хорижда шу бренд остида сотилади.
«Ўзавтосаноат» компанияси бошқарув раиси ўринбосари Тоҳиржон Жалилов сўзларига кўра, Ravon номи ўзбекча маъносидан ташқари, қисқартма сўз сифатида бренд автомобиллари хусусиятларини белгилайди: Reliable Active Vehicle On Road.
Янгиланган экстерmер ва интерьерли Ravon Matiz ихчам шаҳар автомобили тақдим этилди. У биринчи марта хавфсизлик ёстиғи, АBS ва иммобилайзер билан жиҳозланди.
Ravon Gentra’да эса эргономика яхшиланди, чармдан ишланган руль, салондаги ёруғлик назорати ва кўп функцияли дисплей пайдо бўлди. GM Uzbekistan Gentra’га, кейинроқ бошқа автомобилларга ҳам «ЭРА-ГЛОНАСС» навигация тизимини ўрнатиш устида ишламоқда.
Келаси йилдан Россияда Ravon R2 (Spark аналоги) ва Ravon R4 (Cobalt) сотила бошлайди. Биринчи моделда янги двигатель, автоматик узатиш қутиси, асбоб-ускуналар панели ва аудиотизим пайдо бўлади. Иккинчисида эса ташқи кўриниш ва салон ўзгаришларга учради.
Энг кутилган янги модель Т250 базасида чиқариладиган Ravon Nexia’дир. Автомобиль мутлақо янги дизайнга эга бўлган ва хавфсизлик бўйича қатор ўзгаришларга учраган. Булар йўналишга чидамлилик ва шиналардаги босимни назорат қилиш тизимлари, ҳайдовчи ва йўловчилар учун қўшимча ҳимоя, пиёдалар хавфсизлиги талабларига жавоб берувчи олд бампердир. Модель, шунингдек, автоматик узатиш қутисига эга.
Аввалроқ ижтимоий тармоқларда Nexia, Gentra (Lacetti 2) ваSpark’нинг Ravon бренди билан безакланган суратлари пайдо бўлганди.
Интернетда ва Россия федерал каналлари эфирида Ravon бренди рекламасига бағишланган ролик пайдо бўлган, шунингдек, mirwelcome.ru манзилида бренд ташвиқотига мўлжалланган сайт ишга тушган.
Изоҳ (0)