Россияда 2015 йилнинг тўққиз ойи давомида GM Uzbekistan автомобиллари савдоси 51 фоизга қисқариб, 15 498 донани ташкил этди. Бу ҳақда, Европа бизнес ассоциациясининг Автомобиль ишлаб чиқарувчилар қўмитаси маълумотларига асосланиб, UzDaily хабар бермоқда.
2015 йилнинг сентябрь ойида компания Россия автомобиль бозорида 1 746 дона автомобиль сотди, бу 2014 йилнинг шу давридаги кўрсаткичдан 26 фоизга кам. 2015 йилнинг январь—сентябрида GM Uzbekistan’нинг Россия автомобиль бозоридаги улуши 1,3 фоизни ташкил этди (2014 йилнинг шу даврида — 1,8 фоиз).
2015 йилнинг тўққиз ойи якунларига кўра, GM Uzbekistan компанияси Россияда автомобиль сотиш ҳажми бўйича 19-ўринни эгаллади. Компаниянинг ҳеч бир модели Россияда энг кўп сотилаётган 25 автомобиль қаторига кира олмади.
Изоҳ (0)