Россия бош вазири Дмитрий Медведев мамлакатда доллар ва евронинг айланишини тақиқлаш таклифини қўллаб-қувватламаслигини билдирди, дея хабар бермоқда «Эхо Москви».
Россия телеканалларидан бирига берган интервьюсида бош вазир киноя билан: «Бу яхши фикр. Келинглар, ҳар қандай валюта операцияси учун жиноий жавобгарлик тўғрисидаги 88-моддани ҳам қайта тиклай қолайлик», — деди.
Медведев аниқлик киритишича, доллар ёки евродан воз кечиш Россиянинг бозорга, замонавий иқтисодиёт яратишга қараб интилиши тугаганини билдиради.
Мамлакатда доллар ва евро ҳаракатини тақиқлашни «Ягона Россия»дан депутат Евгений Фёдоров таклиф қилган эди. Президент ёрдамчиси Сергей Глазьев эса рублнинг белгиланган курси ҳақидаги ғоя билан чиққан эди.
Изоҳ (0)