АҚШ 2015 йилнинг 1 сентябрь ҳолатига кўра жами 762 та қитъалараро баллистик ракета (ҚБР), сувости кемаларидаги баллистик ракета (СКБР) ва оғир бомбардимончи (ОБ)ларга эга. Бу ҳақда «Лига.Новости» хабар бермоқда.
АҚШ Давлат департаментининг стратегик ҳужум қуроллари сони тўғрисидаги Вашингтон ва Москва ўртасидаги ўзаро маълумот алмашинуви натижалари бўйича эълон қилган ахборотига кўра, Россияда бундай қурол-аслаҳалар сони 526 тани ташкил этмоқда.
Аниқлик киритишларича, АҚШда ҚБР, СКБР ва ОБларга ўрнатилган жами 1538 та ядровий каллак мавжуд, Россия ҳисобида эса худди шундай ташувчиларга ўрнатилган 1648 та каллакка эгалик қилмоқда.
Маълумот учун, 2014 йил 1 сентябрида АҚШ 794 та ҚБР, СКБР ва ОБга ўрнатилган 1642 та ядровий каллакка, Россия эса 528 та шундай ташувчига ўрнатилган 1643 та ядровйи каллакка эга эди.
Изоҳ (0)