АҚШнинг Айредел шаҳрида ўқувчилар ўртасидаги мусиқа фестивали вақтида темир-бетонли айвон қулаб тушди. Reuters хабарига кўра, 3 октябрь, шанба куни маҳаллий вақт билан 14:15 да юз берган ҳодиса натижасида 25 киши жабрланган.
CBS News хабарига кўра, иншоот унинг устунларидан бирига юк машинаси келиб урилганидан сўнг қулаган. Авария вақтида айвон остида фестиваль қатнашчилари бўлган.
The New York Times’нинг ёзишича, жабрланувчилар касалхонага етказилган, улардан бирининг аҳволи оғир эканлиги айтилмоқда. Жабрланувчиларнинг айнан неча нафари ўқувчилар эканлиги маълум қилинмаяпти.
Қайд этишларича, тадбирда 30 мактабнинг мусиқа жамоаси қатнашиши керак эди, бироқ ёмғирли ҳаво сабаб бир неча гуруҳ унда қатнашишни рад этганди. Бахтсиз ҳодиса сабаб фестиваль бекор қилинди.
Изоҳ (0)