Украина Конституциясида Донбасснинг алоҳида мақоми белгиланиши керак. Бу ҳақда Германия канцлери Ангела Меркель 2 октябрь куни Парижда нормандча форматдаги учрашув якунлари бўйича матбуот анжуманида айтиб ўтди, деб ёзади «Корреспондент.net».
Шу билан бирга, у Луганск ва Донецк халқ республикалари вакиллари сайловларни Украина томони билан келишган ҳолда ўтказиши кераклигини таъкидлади.
Шунингдек, у «Минск-2»нинг ҳеч бир бандини томонлар тўлиқ бажармаганини айтиб ўтди. «Дебальцеводаги вазият жараённи издан чиқарди, ҳозирча оғир қурол-аслаҳалар чиқариб кетилмаяпти. Бироқ жараённинг олға кетиши бўйича йўлларни белгилаб олдик. Прогресс бор, томонлар бир-бирини қўллаб-қувватлади», — деди Меркель ва норманд тўртлиги Украина бўйича учрашувда эришилган келишувдан мамнун бўлиши мумкинлигини қўшиб қўйди.
Изоҳ (0)