General Motors концерни 2016 йил охирида ҳайдовчисиз бошқариладиган автомобилларни синовдан ўтказишни бошлайди. Автопилотли автомобиллар янги авлод Chevrolet Volt гибриди базасида тайёрланади, дея хабар бермоқда «Motor.ru».
Ҳайдовчисиз бошқариладиган автомобилларнинг синовлари концерннинг Мичиган штати, Уоррен шаҳрида жойлашган техник марказида бўлиб ўтади. Компания ходимлари махсус мобил дастур ёрдамида ҳудуд бўйлаб ҳаракатланиш учун автомобилни банд қилишлари ва қаерга боришлари кераклигини кўрсатишлари мумкин бўлади. Шундан сўнг автомобиль мустақил равишда одамларни керакли жойга етказиб қўяди.
Концерн вакилларининг сўзларига кўра, мазкур «ҳаракатланувчи лабораториялар» тўлиқ автоном машиналарнинг техник имкониятлари тадқиқини тезлаштиришга ёрдам берадиган зарур тажрибани қўлга киритиш имконини тақдим этади.
Изоҳ (0)