Чехия Республикасининг Брно шаҳрида MSV 2015 халқаро автомобилсозлик кўргазмаси бўлиб ўтди. Унда «Ўзавтосаноат» АК делегацияси ҳам иштирок этди. Бу ҳақда «Ўзавтосаноат» матбуот хизмати хабар бермоқда.
Бу йилги кўргазмада дунёнинг 25 мамлакатидан келган 1600 дан ортиқ компаниялар қуюв-ишлаб чиқариш, металлургия ва ойна саноати ҳамда автомобилсозлик учун бутловчи қисмларни намойиш этди, шунингдек, жиҳозларни етказиб бериш бўйича кенг турдаги хизмат турларини таклиф қилди.
Кўргазмалар залининг «Ўзавтосаноат» АК учун ажратилган павильонларида Ўзбекистоннинг инвестицион салоҳияти ва автомобилсозлигида қўлга киритилаётган ютуқлар намойиш этилди. «Ўзавтосаноат» АК вакиллари кўп сонли ташриф буюрувчилар ва кўргазма меҳмонларини, шунингдек, катта қизиқиш билдираётган йирик истеъмолчилар ва ҳамкорларни Ўзбекистон автомобиль саноати маҳсулотлари билан яқиндан таништирди.
Мазкур кўргазма «Ўзавтосаноат» АК корхоналари ва хорижий компаниялар билан тўғридан-тўғри ўзаро мулоқот ўрнатишда ҳамда «Ўзавтосаноат» АК имиджини автомобилсозлик маҳсулотлари ва бутловчи қисмлар ишлаб чиқаришга ихтисослашган кенг ишлаб чиқарувчилар орасида янада оширишда муҳим аҳамиятга эга бўлди.
Изоҳ (0)