Ҳайдовчисиз Lutz Pathfinder митти-автомобилларини синовдан ўтказиш бошланди

Буюк Британиянинг Бакингемшир графлигидаги Милтон-Кинс шаҳрида жамоатчилик олдида, келгусида пиёдалар учун йўлларда ҳаракатланиб, йўловчиларни ташийдиган кичик электрик Lutz Pathfinder автомобилини тақдим этилди, деб хабар беради «InfoCOM.uz».

Lutz Pathfinder бортига икки одам ва озгина юкни олиши мумкин. Аккумуляторли батареяси блоки 60 километрга яқин йўлни босишга етарли бўлади, максимал тезлиги эса 24 км/соат билан чекланган.

Митти-машиналарнинг асосий хусусияти панорамали камера, лазерли датчик, радар, GPS навигацион тизим приёмниги ва бошқаларга эга бўлган автопилот тизими бўлиб ҳисобланади.

Lutz Pathfinder ишланмасини тайёрлаш учун бир ярим йил вақт сарфланди. Оксфорд университетининг Mobile Robotics Group бўлинмаси мутахассислари яқин вақт ичида электромобил ва автоном бошқарув тизими ускуналарини тестдан ўтказишга тайёрлайди. Дастлаб Lutz Pathfinder синов дастурига уч автомобиль қўйилади. Бундан ташқари, салонда бошқарувни ўз қўлига олишга тайёр турган оператор мавжуд бўлади. Келгусида машиналар бутунлай мустақил ҳаракатланиши шарт. Келажакда Буюк Британия кўчаларида ўнлаб Lutz Pathfinder машиналари ҳаракатланиши кутилмоқда. Мазкур роботлашган машиналар пиёда юришни хоҳламайдиган кексалар ва умуман барча оддий одамларни кўзланган манзилга элтиб қўйиши мумкин. Бундай робот таксини чақириш учун махсус мобил дастурлардан фойдаланиш мумкин.