Интернетда GM Uzbekistan компанияси 27 июлдан сериялаб ишлаб чиқаришни бошлаган Chevrolet Labo моделидаги автомобиллар транспортда ташилаётгани акс этган фотосуратлар пайдо бўлди, дея хабар бермоқда «12news.uz».
Chevrolet Labo — юк кўтариш қуввати 550 килограммгача бўлган кичик юк машинаси бўлиб, у Damas моделининг шаҳар ва қишлоқ жойларда қисқа масофаларга юк ташиш учун мўлжалланган борт кузови очиқ модификацияси ҳисобланади.
Умумий қиймати 5,9 миллион доллар бўлган лойиҳа доирасида йилига 5 минг дона Labo автомобилларини ишлаб чиқариш кўзда тутилган.
Изоҳ (0)