«Олтин тўп»га даъвогарлар рўйхатига «Реал» ва «Барселона»дан 7 нафардан футболчи киритилди

«Олтин тўп»ни қўлга киритиши мумкин бўлган 59 нафар футболчининг рўйхати маълум қилинди, деб хабар беради «Uff.uz».

Унга кўра, «Барселона»дан етти нафар футболчи йил мукофотини олишга даъвогарлик қилмоқда: Лионель Месси, Андрес Иньеста, Иван Ракитич, Клаудио Браво, Хавьер Маскерано, Неймар ва Луис Суарес.

Шунингдек, «Реал» томонидан ҳам 7 номзод кўрсатилган: Криштиану Роналду, Гарет Бэйл, Карим Бензема, Серхио Рамос, Лука Модрич, Хамес Родригес ва Тони Кроос.

«Олтин тўп»ни олишга «Бавария» ва «Манчестер Сити»дан беш нафардан, «Челси»дан тўрт нафар, «МЮ», «ПСЖ» ва «Ювентус»дан уч нафардан футболчи даъвогарлик қилмоқда. ФИФА ушбу рўйхатдан 23 нафар футболчини танлаб олади. Кучли учлик эса журналистлар, мураббийлар ва футболчилар томонидан аниқланиши лозим. Мукофот билан тақдирлаш маросими 2016 йил, 11 январда бўлиб ўтиши кўзда тутилган.