Рустам Қосимжонов ФИДЕ рейтингида бир поғонага юқорилади

Халқаро шахмат федерацияси (ФИДЕ) шахматчиларнинг октябрь ойи учун рейтингини эълон қилди. Унга кўра, ўзбекистонлик 17-жаҳон чемпиони Рустам Қосимжонов рейтингда бир поғонага юқорилаб, 42-ўринни эгаллаб турибди, деб хабар беради «Оламспорт».

Қосимжонов сентябрь ва август ойларида рейтингда 43-ўринда қайд этилганди.

Амалдаги жаҳон чемпиони норвегиялик Магнус Карлсен ҳамон рейтинг пешқадами бўлиб турибди. Америкалик Хикару Накамура иккинчи, болгариялик Веселин Топалов эса учинчи ўринни банд этган. Собиқ жаҳон чемпиони ҳиндистонлик Вишванатан Ананд тўртинчи ўринга пастлади.

Кучли ўнталик (Жаҳон): Магнус Карлсен (Норвегия) — 2850, Хикару Накамура (АҚШ) — 2816, Веселин Топалов (Болгария) — 2813, Вишванатан Ананд (Ҳиндистон) — 2803, Аниш Гири (Голландия) — 2798, Фабиано Каруана (АҚШ) — 2796, Левон Аронян (Арманистон) — 2784, Дин Лижэнь (Хитой) — 2782, Владимир Крамник (Россия) — 2777, Александр Гришук (Россия) — 2774... Рустам Қосимжонов (Ўзбекистон) — 2704.

Кучли ўнталик (Ўзбекистон): Рустам Қосимжонов — 2704, Антон Филиппов — 2591, Жаҳонгир Воҳидов — 2538 (+6), Михаил Салтаев — 2496, Марат Жумаев — 2493, Алексей Барсов — 2459 (+4), Тоҳир Воҳидов — 2445, Нодирбек Абдусатторов — 2432, Жўрабек Ҳамроқулов — 2414, Константин Малиничев — 2409.