«Ўзбектелеком» акциядорлик компанияси Жиззах вилоятида қуёш-шамол-дизель гибрид электр станциясини синов режимида ишга туширди, дея хабар бермоқда «Infocom.uz».
Станция «Қишлоқ ва олис туманларни электр энергияси билан барқарор таъминлаш» лойиҳаси доирасида қурилди. Уни амалга ошириш учун Жиззах вилояти Ғаллаорол туманидаги «Замбар» радиореле станцияси танланди.
Лойиҳа бўйича объектга 10 кВт қувватига эга вертикал ўқли шамол генератори, гелий аккумулятор батареяси (200 А/соат), инвертор (20 кВт) етказиб берилди.
Лойиҳа амалга оширилиши натижасида йилига 48 800 кВт/соат электр энергияси ёки 7 564 000 сўм; 9150 литр дизель ёқилғиси ёки 49 410 000 сўм тежалиши кутилмоқда. Бир йиллик иқтисодий самарадорлик тахминан 56 974 000 сўмни ташкил этади.
Изоҳ (0)