Ўзбекистон Республикаси Президенти Ислом Каримов жойларда амалга оширилаётган бунёдкорлик ва ободонлаштириш ишлари билан танишиш мақсадида 29 сентябрь куни Наманган ва Фарғона вилоятларида бўлди, дея хабар бермоқда ЎзА.
Президент Наманган вилоятига сафарини Мингбулоқ туманидаги «Барака» фермер хўжалиги билан танишишдан бошлади. Ислом Каримов мазкур фермер хўжалиги даласида фермерлар билан суҳбатлашди.
Жорий йилда вилоятда 79 минг гектар майдонда ғалла экилиб, 500 минг тоннага яқин ҳосил кўтарилди. Бугунги кунда 82 минг 600 гектар майдонда етиштирилган пахта йиғиб-териб олинмоқда.
Президент Уйчи туманидаги «Обод замин» фермер хўжалиги далаларига ҳам ташриф буюрди. Мазкур хўжалик ишчилари бу йил ғалладан 75 центнердан хирмон кўтарган. Шу кунларда етиштирилган мўл пахта ҳосили йиғиб-териб олинмоқда.
Давлат раҳбарининг Фарғона вилоятига сафари давом этмоқда.
Изоҳ (0)